நாகர்ஜுனா தமிழில் பிசி

• அஜீத் நடிக்கிற ‘மங்காத்தா’வில் தெலுங்கு நடிகர் நாகார்ஜுனா முக்கிய வேடம் ஏற்கிறார் என்பது தெரிந்ததே… ‘அபியும் நானும்’ இயக்குனர் ராதாமோகன், பிரகாஷ் ராஜின் டூயட் ஃபிலிம்ஸுக்காக ‘பயணம்’ என்ற படத்தை இயக்கிக் கொண்டிருக்கிறார். ஒரே நேரத்தில் தமிழ், தெலுங்கு மொழிகளில் தயாராகிற இந்தப் படத்தில் நாகார்ஜுனாவுக்கு பிரதான கேரக்டர்! படப்பிடிப்பு கிட்டத்தட்ட முடிகிற நிலையில், கடைசி பகுதி ஷூட்டிங்குக்காக சென்னையில் முகாமிட்டிருக்கிறார் நாகார்ஜுனா.

கவுதம் மேனனோடு இளையராஜா!

• கவுதம் வாசுதேவ் மேனன் தயாரிப்பில், “வெண்ணிலா கபடிக்குழு” சுசீந்திரன் இயக்கத்தில் உருவாகிற படம் ‘அழகர்சாமியின் குதிரை’. தமிழ் பத்திரிகை ஒன்றில் வெளியான கதையைத் தழுவி எடுக்கப்படுகிற இந்தப் படத்துக்கு இசை இளையராஜா. கவுதம் மேனனின் படத்துக்கு இளையராஜா இசையமைப்பது இதுவே முதல் முறை என்பதால் எதிர்பார்ப்புகள் எகிறிக் கொண்டிருக்கின்றன.